Në këtë takim u diskutua për mundësitë e bashkëpunimit mes dy vendeve.
“Me qëllim të avancimit të mëtutjeshëm të sektoreve që portfoliot tona mbulojnë, u dakorduam që ta thellojmë bashkëpunimin ndër-institucional e ndër-shtetëror duke hartuar projekte të përbashkëta ndër-kufitare me qëllim të fuqizimit ekonomik të bujqve që jetojnë rreth zonës kufitare Kosovë – Maqedoni e Veriut. Njëherit, ramë dakord për shkëmbim eksperiencash në hartimin e politikave, përafrimin e tyre me ato të BE-së, heqjen e barrierave jo-tarifore, rritjen e kontrollit kufitar me qëllim ruajtjen e sigurisë ushqimore, hartimin e përbashkët të politikave pyjore si dhe krijimin e një grupi teknik-administrativ i cili do t’i bartë më tutje frerët e hartimit dhe implementimit të marrëveshjeve që do vijojnë mes institucioneve tona”, shkroi Peci në Facebook.
Tutje ai tha se ka falënderuar ministrin Nokolovski për konstruktivitetin dhe bashkëpunimin e ndërsjelltë.
“E falenderova Ministrin Nikolovski për konstruktivitetin dhe bashkëpunimin e ndërsjelltë. Të tilla takime, kultivojnë marrëdhëniet miqësore që popujt dhe shtetet tanë kanë mes vete si dhe hapin rrugë drejt forcimit të pozitës së bujqve tanë, përmes shkëmbimit të praktikave më të mira që ua lehtësojnë veprimtarinë”, shkroi tutje ai./teve1.info./
