Ish-kryetari i Zveçanit, Ilir Peci ka njoftuar se ka pasur një takim të shkurt dhe jo të duhur me kryetarin e ri të Kuvendit Komunal të Zveçanit, nga Lista Srpska, Dragisha Milloviq.
Peci ka bërë të ditur se ka marrë disa provokime nga takimi me Milloviqin për fotografitë e mëhershme të presidentes Osmani gjatë mandatit të tij të vitit 2023.
Derisa, ai ka theksuar se nuk e lejon që flamuri i Kosovës dhe fotografia e presidentes Osmani të largohet nga salla e Kuvendit Komunal të Zveçanit.
“Unë jam i gatshëm me zbatua ligjin në mënyrën më të mirë të mundshme, kam pasur takim me kryetarin e ri paraprak, nuk ka qenë në nivel të duhur, pak e shumë kemi biseduar vetëm për sallën ku do të mbahet dhe procedurat tjera. Shumë shkurt e kemi pasur një takim, edhe ai ska qenë takim bash i duhur, disa provokime kanë qenë nga ana e tij ku i kam lënë fotografitë e mëhershme, patjetër që nuk do të lejojmë me u largua flamuri i Kosovës dhe fotografia e presidentes, fotografitë e mëhershme që kanë qenë në 2023 kur e kemi marrur mandatin”, ka deklaruar Peci para mediave./teve1.info/
