Ministri në detyrë i Bujqësisë, Faton Peci është shprehur i bindur se PDK, LDK e AAK, do të votojnë kandidatit e LVV-së për kryeparlamnetar.
Ai pas dështimit për herë të katërt të konstituimit të Kuvendit, ka thënë se ashtu siç janë tërheq j për çështjen mandateve të deputetëve e njëjta do të ndodhë edhe për kryeparlamentarin.
“Jam i bindur se sikurse që kanë tërhequr pas katër ditëve për çështjen e verifikimit të mandateve e njëjta do të ndodhë edhe për kryeparlamnetarin”, ka thënë ai për media pas dështimit të seancës.
Peci ka thënë se nuk duhet të ketë vonesa dhe zgjidhja e vetme është kompromisi.
“Nuk duhet me pas vonesë sikurse ka pasur për çështjen e mandateve, është e përcaktuar qartë në Kushtetutë dhe aktgjykimin e Gjykatës Kushtetuese se kryetari i Kuvendit i takon Grupit më të madh Parlamentar, këtë rast Lëvizjes Vetëvendosje”, ka thënë ai.
