Në kallëzimin penal të siguruar nga Teve1.info thuhet se Murati dhe Spahiu kanë cenuar të drejtën e grevës, duke mosekzekutuar pagat mësimdhënësve për muajin shtator.
“Personat e kallëzuar, në cilësi të personave zyrtarë, përkatësisht si titullarë të institucionit qeveritar, me dashje dhe në kundërshtim me autorizimet e tyre ligjore dhe legjislacionin në fuqi, kanë ndërmarrë veprime për ndalimin (mos-ekzekutimin) e pagës për muajin shtator për mësimdhënësit e komunave të Republikës së Kosovës, të cilët kanë ushtruar të drejtën kushtetuese e ligjore për grevë”, thuhet në kallëzim penal.
Po ashtu, në kallëzimin penal kundër Muratit e Spahiut thuhet se pavarësisht përpjekjeve dhe takimeve të shumta me qeverinë, kjo e fundit asnjëherë nuk i mori seriozisht kërkesat e SBASHK-ut dhe as pasojat nga vonesa e fillimit të vitit shkollor.
“Mirëpo, pavarësisht përpjekjeve dhe takimeve të shumta me qeverinë, kjo e fundit asnjëherë nuk i mori seriozisht kërkesat e tyre dhe as pasojat nga vonesa e fillimit të vitit shkollor. Në këtë kuptim, qeveria ishte përgjegjëse për situatën e krijuar për shkak të mungesës së gatishmërisë për të lëvizur nga qëndrimi i saj (fillestar), përkundër faktit se SBASHK-u kishte qenë e gatshme për të rishikuar kërkesën e saj për shtesën financiare të kërkuar fillimisht”, thuhet më tej në kallëzimin penal të siguruar nga Teve1.info.
Kallëzimi penal të dorëzuar nga PDK-ja, pretendohet se veprimet për ndalimin e pagave kanë qenë pa bazë dhe të paligjshëm.
Ndërkaq, nga kjo parti kanaë kërkuar që të ngritet aktakuzë dhe Hekuran Murati e Enis Spahiu të dënohen sipas ligjeve në fuqi. /teve1.info/
Më poshtë shihni të plotë kallëzimin penal:
Kallezimi-Penal_Kunder-Hekuran-Murati_6-tetor-2022
