Klubi prizrenas i basketbollit Proton Cable Prizreni, ka vazhduar të enjten kontratën me njërin nga basketbollistët bartës të skuadrës, Drilon Shala edhe për sezonin 2025-26.
Përmes një njoftimi në Facebook, klubi prizrenas bëri të ditur vazhdimin e bashkëpunimit, me njërin nga lojtarët kryesorë të skuadrës.
Ditë më parë udhëheqësit e ekipi nga Prizreni, ua vazhduan kontratat edhe basketbollistëve të tjerë vendorë si: Rilind Krasniqi, Semih Futko, dhe Edmond Kryeziu.
PC Prizreni në sezoni e ri të basketbollit do të bëjë gara në ligën e Parë, që është kategoria e dytë e basketbollit në vendin tonë.
