Mbrojtësi i Interit, Benjamin Pavard e sheh si objektiv real trofeun e Ligës së Kampionëve në këtë edicion.
Futbollisti francez beson se “Nerazzurri”, krahas Serie A, do të mundohen ta fitojnë edhe kompeticionin më të rëndësishëm të futbollit evropian.
Zikaltrit janë në mesin e favoritëve për të triumfuar në Champions, por ata i pret një punë e vështirë për të arritur këtë, gjithsesi.
“Kush luan futboll dëshiron t’i fitojë të gjithë trofetë. Ky është mentaliteti që e kam unë dhe që luaj për këtë. Kampionati është i rëndësishëm, por edhe Liga e Kampionëve është një objektiv për klubin. Nesër të shohim”, deklaroi mbrojtësi i krahut për “Sky Sport” para ndeshjes së nesërme kundër Monacos
“Do të jetë një atmosferë e bukur në stadium, ne dhe ata kemi bërë rezultate të mira në Ligën e Kampionëve dhe jemi të gatshëm ta bëjmë të gjithë atë që nevojitet”, shtoi Pavard për ndeshjen ndaj ekipit francez.
Interi aktualisht gjendet në vendin e katërt në fazën e ligës në Champions kur kanë mbetur për t’u luajtur edhe dy ndeshje.
“Nerazzurri” me një fitore eventuale ndaj Monacos do ta sigurojnë një vend solid në Top 8, i cili dërgon direkt në të tetën e finales së Ligës së Kampionëve.
