Pas tërheqjes së Ilir Tashollit nga kandidatura, Aleanca për Ardhmërinë e Kosovës (AAK) ka nominuar Bashkim Budakovën si kandidat për kryetar të Komunës së Lipjanit.
Kryetari i AAK-së, Ramush Haradinaj ka thënë se Budakova përfaqëson modelin e udhëheqësit të përkushtuar dhe me vizion të qartë për zhvillimin e Lipjanit.
“Një profesionist me përvojë të gjatë në arsim dhe përfaqësues i dëshmuar i qytetarëve në Kuvendin Komunal. Bashkimi njihet si njeri me integritet të lartë, i afërt me komunitetin dhe i palëkundur në mbrojtjen e interesit publik. Ai përfaqëson modelin e udhëheqësit të përkushtuar, me vizion të qartë për zhvillimin e Lipjanit dhe me gatishmëri për të ndërtuar një qeverisje të ndershme dhe përgjegjëse”, ka shkruar Haradinaj.
Kandidati i Aleancës për Ardhmërinë e Kosovës për kryetar të Komunës së Lipjanit, Ilir Tasholli ka njoftuar për dorëheqjen nga gara për siç ka thënë ‘arsye objektive dhe me bindjen se në këtë fazë, një hap i tillë është më i miri për rrugëtimin e tij të mëtejmë’.
Ilir Tasholli i AAK-së tërhiqet nga gara për kryetar të Lipjanit
