Pas protestave të zhvilluara në Shkup dhe Tiranë, protesta e radhës në mbështetje të studentëve shqiptarë në Maqedoninë e Veriut, të cilët kërkojnë që provimi i Jurisprudencës të mbahet në gjuhën shqipe, do të mbahet në Prishtinë.
Studenti Mevlan Ademi, i cili ka udhëhequr edhe protestat e mëhershme, është shprehur se studentët kërkojnë vetëm të drejtat e tyre dhe trajtim të barabartë.
Nga Tirana, ai ka theksuar se është dëshmuar edhe një herë se kur bëhet fjalë për gjuhën shqipe, shqiptarët dinë të bashkohen.
“Dëshmuan që kur bëhet fjalë për identitetin dhe gjuhën tonë dimë të bëhemi bashkë. Nuk jemi kundër askujt, por jemi vetëm për të drejtën dhe gjuhën tonë që është larë me gjak”, tha ai.
