Familjes Tërnava nga Prishtina pas tri javë qëndrimi në terr i është rikthyer energjia elektrike.
Tëvë1 kishte raportuar për problemin me energji elektrike me të cilin ballafaqoheshin familja Tërnava në lagjen Kalabria në Prishtinë.
E rreth pesë ditë pas raportimit, problemit të tyre i erdhi fundi.
I zoti i shtëpisë, Bastri Tërnava thotë se KEDS gjatë së mërkurës është angazhuar me qëllim për të rregulluar kabllon e cila la këtë familje rreth tri javë pa rrymë.
“Për momentin është duke punu rryma janë tu e rregullu pas raportimit gjatë javës së kaluar në media e sidomos tek ju kanë ardhë KEDS me e rregullu…” thotw ai.
E për rrëshqitjen e dheut, Tërnava ka një kërkesë.
Ndërkaq, nga drejtoria për Siguri dhe Emergjenca në komunën e Prishtinës përmes një përgjigjje elektronike thonë se pas rrëshqitjes së dheut nuk ka rrezik për banorët apo shtëpinë në fjalë .
“ Ne e kemi trajtuar këtë rastin javën e kaluar dhe kemi bere inspektimin e vendit te ngjarjes, bashkërisht me inspektoret komunal për shkak se rrëshqitja e dheut ka ndodhur si pasoje e ndërtimit ne afërsi te shtëpisë se Ztr. Tërnaves. Për informatën tuaj duhet të theksojmë se nuk ka rrezik për banorët apo shtëpinë në fjalë për shkak te rrëshqitjes se dheut. Rasti është duke u trajtuar nga Inspekcioni komunal dhe nga KEDS”, thuhet nga drejtoria.
Lidhur me këtë, televizioni ka tentuar të kontaktojë dy kompanitë e ndërtimit në atë zonë, por të njëjtat nuk ishin të qasshme deri në publikim të kronikës.
