Kampioni i Evropës, Paris Saint-Germaini ka pësuar humbjen e parë në Botërorin e klubeve pasi të premten në mëngjes u mposht nga Botafogo.
Ndeshja përfundoi me rezultatin 1:0 për ekipin nga Brazili, ku golin e vetëm e realizoi Igor Jesus në minutën e 36-t të takimit.
Për Botafogon kjo është fitorja e dytë në po aq ndeshje të luajtura dhe e bën lider të Grupit B me 6 pikë, tri më shumë se Parisi që në xhiron e parë triumfoi ndaj Atletico Madridit.
Tri pikë në këtë grup i ka edhe Atletico që regjistroi fitoren e parë, duke e mposhtur Seattle Sounders me shifrat 3:1 për ta lënë ekipin amerikan të fundit në Grupin B pa pikë.
