Sot në Kosovë parashikohet të mbajë mot kryesisht i vranët dhe me intervale me diell, ka bërë të ditur Instituti Hidrometeorologjik i Kosovës.
Sipas Institutit, gjatë pjesës së dytë të ditës do të ketë shtim të vranësirave, të cilat në disa zona mund të sjellin reshje lokale shiu, të shoqëruara me shkarkime rrufesh.
Temperaturat minimale do të lëvizin ndërmjet 13 dhe 16 gradë Celsius, ndërsa ato maksimale pritet të arrijnë nga 26 deri në 30 gradë Celsius.
“Do të fryjë erë nga drejtimi i verilindjes me shpejtësi prej 1 deri në 9 metra në sekondë”, thuhet në njoftim.
Qytetarëve u rekomandohet të kenë kujdes gjatë orëve të pasdites, kur në disa rajone mund të ketë zhvillime të përkohshme të motit të paqëndrueshëm.
