Dogana e Kosovës ka parandaluar kontrabandimin me veshmbathje në vlerë prej 20 mijë eurove, raporton teve1.info
Sipas komunikatës për medie të Doganës së Kosovës, në periudhën 11 dhe 12 janar të këtij viti është realizuar një operacion në rrugët malore të paautorizuara në kufi me Maqedoninë e Veriut, ku janë hasur dy automjete me mallra.
“Pas ndalimit të automjetit të parë u gjeten mallra të kontrabanduara, tekstile-veshmbathje në një sasi prej 2,080 artikujve. Vlera e këtyre mallrave përcaktohet rreth 9,000 euro. Përveç kësaj, është vërejtur se këto mallra shkelin të drejtën e pronësisë intelektuale dhe janë marka të falsifikuara. Derisa ne rastin e dytë, përsëri janë hasur në tentim të kontrabandimit tekstil në vlerë rreth 12,000 euro. Mallrat e kontrabanduara janë sekuestruar dhe ndaj palëve janë nisur procedurat kundërvajtëse”, thuhet në komunikatë.
