Policia e Kosovës ka parandaluar një rast të kontrabandimit me kafshë në fshatin Dumnicë, vetëm një ditë para festës së Kurban Bajrami.
Sipas njoftimit zyrtar, njësitet e Drejtoria Rajonale e Policisë Kufitare – Lindje kanë ndaluar dy automjete me targa vendore, ku gjatë kontrollit janë gjetur 27 dele dhe 4 qengja pa matrikula në vesh, të cilat dyshohet se janë kontrabanduar nga territori i Serbisë në Republikën e Kosovës.
Lidhur me rastin është arrestuar një i dyshuar mashkull kosovar, i cili pas intervistimit është liruar në procedurë të rregullt.
Me autorizim të prokurorit kompetent është iniciuar rasti për veprën penale “kontrabandim me mallra”.
Policia bëri të ditur se automjetet dhe kafshët e sekuestruara janë dërguar në terminalin doganor për procedura të mëtejme./teve1.info/
