Parandalohet hyrja e një sasie të arit në mënyrë të kontrabanduar nga Maqedonia Veriore në Kosovë

Sipas PK-së sasia e arit ishte 580 gram.

I dyshuar për këtë rast është A.M, shtetas i Maqedonisë Veriore.

“Personi i dyshuar i lartcekur me iniciale me automjetin e tipit audi Q5, ngjyrë hiri, me datë 07.09.2022, është ndaluar nga Policia duke hyrë në Republikën e Kosovës përmes pikë kalimit kufitar Hani i Elezit dhe gjatë kontrollit të vijës së dytë së bashku me zyrtarët doganor, në anën e majtë mbrapa në bagazh, te sirtari i pajisjeve janë gjetur të fshehura dhe të padeklaruara një sasi e arit prej (580 gram). Ari i fshehur, i padeklaruar është konfiskuar nga ana e Doganës së Kosovës të cilët edhe janë marr me procedra të mëtejme”, thuhet në komunikatën e Policisë./teve1.info/