Mesfushori i Brazilit, Lucas Paqueta nuk do të largohet nga West Ham Unitedi. Ai do të mbetet pjesë e ekipit nga Londra edhe për një periudhë të gjatë, pasi pritet të firmos kontratë të re. “Sky Sports” ka njoftuar të premten se Paqueta ka pranuar ofertën e West Hamit dhe gjithçka do të bëhet zyrtare së shpejti.
Me kontratën e re, Paqueta do të jetë pjesë e West Hamit deri në vitin 2030 dhe do të ketë pagë javore prej 200 mijë eurosh. 26-vjeçari është pjesë e West Hamit prej vitit 2022 dhe kontrata aktuale i skadon në vitin 2027.
Në 10 ndeshje këtë sezon, ai ka shënuar 2 gola dhe ka bërë 1 asistim. Para se t’i bashkohej West Hamit, Paqueta karrierë në Evropë ka bërë edhe te Lyoni e Milani.
