Mbrojtësi i krahut, Leart Paqarada është larguar nga skuadra e Kolnit por jo edhe nga Bundesliga gjermane.
Futbollisti i Kombëtares së Kosovës, do të jetë pjesë e skuadrës së Heidenheimit, me të cilën tashmë ka arritur marrëveshjen.
Heidenheimi do të paguajë një dëmshpërblim të vogël për Paqaradën, i cili ka kontratë me Kolnin deri në vitin e ardhshëm, përpara se ta zyrtarizojë transferimin e tij.
30-vjeçari do të firmos kontratë deri në verën e vitit 2027 me Heidenheimin dhe menjëherë do të jetë në dispozicion për klubin e ri, që ndeshjen e radhës në kampionat e luan të shtunën ndaj Leipzigut.
Paqarada në këtë verë është kërkuar edhe nga Bristol City nga Championshipi i Anglisë, por vendosi të qëndrojë në elitën e futbollit gjerman.
Ai ishte pjesë e Kolnit prej vitit 2023 dhe u njoftua se nuk bën pjesë në planet e klubit, ndërsa karrierë ka bërë edhe te St. Pauli e Sandhauseni.
