“Pse gjykata nuk po bindet kur ka fakte të mjaftueshme? Deklaratën e çikës së të akuzuarit për vrasjen e Donjetës, kemi kamerat, kemi alibinë e tij, kemi dëshmitarë. Ka pasur anulime të shumë seanca, me arsye të pakuptimta nga ana e drejtësisë, shembull me 25 janar ka pasur të mbahet seanca e parë mirëpo kanë thënë se janë me Covid dhe ne e kemi besuar pasi që ka qenë situata e tillë, mirëpo diku pas dy tri ditësh e kemi lexuar diku përmes medieve që është mbajtur në gjykatë tjetër, i njëjti rast është përsëritur disa herë”, ka thënë ai.
Pajazitaj më tej ka shtuar se edhe për policinë e Deçanit ka një lloj vërejtje pasi që sipas tij nuk kanë marrë veprime të shpejta lidhur me rastin.
“Për policinë Deçanit është një lloj vërejtje sepse për ato 6 javë sa ka qenë Donjeta e zhdukur sa herë kam biseduar me togerin Muja ka thënë se telefoni i Donjetës po jep sinjale në Strellc të Deçanit. Pse ata në këtë rast nuk kanë marrë një veprim më të shpejtë, nëse kishin punuar në mënyrë intensive ndoshta kishin mundur ta shpëtonin edhe të gjallë pasi që sipas raportit të autopsisë thuhet që Donjeta është vrarë 20 deri 30 ditë më pas, pra është mbajtur peng domethënë një javë ka mundur të ishte gjallë pas ditës së zhdukjes”, ka shtuar Pajazitaj në Tëvë1.
