Deputetja e VV-së, Fitore Pacolli thotë se plani 5 pikësh që u prezantua sot nga kryeministri Kurti është plani i vetëm përmes së cilit në mënyrë të ligjshme mund të zgjidhet situata.
“Plani pesëpikësh i kryeministrit që u propozua sot është plan i cili tregon rrugën, hapat që mund t’i ndjekim ne si Kosovë në mënyrë legjitime. Pra ne nuk po dëshirojmë që të ndjekim hapa të cilat bien në shpërputhje të plotë me ligjet që i kemi në fuqi, me Kushtetutën që e kemi. Janë hapa të cilat janë të vetmet që duhet të ndjeken, në mënyrë të ligjshme ta zgjidhim situatën”, ka thënë Pacolli në Ditari në Tëvë 1.
Sipas saj hapat e propozuara nga ndërkombëtarët nuk janë në përputhje me Kushtetutën.
“Hapat të cilat po na i këshillojnë ndërkombëtarët që t’i ndjekim nuk janë në përputhje me Kushtetutën e Kosovës. Disa herë kemi pasë kërkesa që të tërhiqen kryetarët të cilët janë në objektet komunale dhe ne kemi thënë që kryetarët aktualë që tashmë janë në komuna, kanë legjitimet ndoshta jo shumë të lartë si do të duhet t’I kishte një kryetar, por akush tjetër nuk ka legjitimet më shumë se ata që të qëndrojnë në ato objekte”, ka thënë tutje ajo.
