Zyberaj bëri të ditur se vizita do të zhvillohet nesër gjatë tërë ditës, e ku takimi do bëhet vetëm me Hashim Thaçin, Kadri Veselin, Rexhep Selimin e Jakup Krasniqi. Ai shtoi se kjo vizitë është për t’u dhënë ish-krerëve të UÇK-së mbështetje morale.
“Do vizitohen vetëm katër krerët, për arsye teknike, për arsye të kohës e cila është e kushtëzuar nga rregullat e qendrës së paraburgimit… Kjo vizitë përveçse është e karakterit kolegial, ka të bëjë edhe me mbështetjen morale të njerëzve që kanë drejtuar luftën e UÇK-së që kanë kontribuar në themelimin e shtetit të Kosovës, që kanë dhënë kontribut të madh në ndërtimin e shtetit të Kosovës”, tha ai.
Ai teksoi se Thaçit dhe të tjerëve është duke iu bërë padrejtësi e madhe me akuza “kryesisht të fabrikuara nga institucionet e Serbisë”. /Teve1.info/
