Gjykata e Apelit e Dhomave të Specializuara të Kosovës në Hagë, ka shpallur aktgjykim dënues ndaj Pjetër Shalës, duke e dënuar me 13 vjet burgim.
Pas këtij vendimi Organizata e Veteranëve të Luftës së Ushtrisë Çlirimtare të Kosovës (OVL) ka reaguar duke thënë se aktgjykimi në vend që të përmbyllë padrejtësinë, veçse e ka thelluar bindjen e tyre se kjo gjykatë ka karakter politik dhe nuk e trajton drejtësinë mbi baza të barabarta e të paanshme.
Sipas OVL-së, vendimi duhej të ishte lirues, pasi siç thuhet në reagim ata besojnë në pafajësinë e bashkëluftëtarëve të tyre dhe në luftën e drejtë për çlirim.
“UÇK-ja nuk ka nevojë të mbrohet nga e vërteta, e vërteta historike është në anën tonë, dhe bashkëluftëtarët tanë nuk do t’i nëpërkëmbë askush me procese të motivuara politikisht. Liria nuk gjykohet, ajo respektohet”, thuhet në reagim.
Pjetër Shalës i ulet dënimi prej 18 vitesh, Apeli i Speciales e dënon me 13 vjet burgim
