Gjykata e Apelit e Dhomave të Specializuara të Kosovës në Hagë, ka ulur dënimin e Pjetër Shalës nga 18 në 13 vjet burgim, duke llogaritur kohën e kaluar në paraburgim.
Aktgjykimi u shpall të hënën nga trupi gjykues i përbërë nga kryetarja e trupit gjykues, Michele Picard, e cila ishte e pranishme në seancë përmes video-lidhjes, dhe gjyqtarët Kai Ambos dhe Nina Jorgensen.
Paneli i Apelit la në fuqi verdiktin e fajësisë të Shalës për krimet e luftës të ndalimit arbitrar (pika 1), torturës (pika 3), dhe vrasjes së paligjshme (pika 4).
Megjithatë, Paneli i Apelit miratoi, pjesërisht, tri prej 14 pikave që Shala paraqiti në apel, hodhi poshtë pikat e tjera të apelit të Shalës, si dhe
Në lidhje me pikën 7 të apelit të Shalës, Paneli i Apelit konstatoi se lidhur me pesë persona për të cilët Trupi.
Gjykues konstatoi se u keqtrajtuan në Fabrikën e Metalit në Kukës, në gjyq nuk ishin paraqitur dëshmi gojore për keqtrajtimin e tyre, apo për vetë ndalimin e tyre gjatë periudhës kur u kryen keqtrajtimet e rënda.
Kjo thuhet se ishte me rëndësi sepse, sipas Rregullores së DHSK-së, verdikti i fajësisë nuk mund të bazohet vetëm, ose në një masë vendimtare në deklaratën e një dëshmitari të cilin Mbrojtja nuk ka pasur mundësi ta marrë në pyetje.
“Për këtë arsye, Paneli i Apelit prapësoi verdiktin e fajësisë për torturë në lidhje me këta pesë persona dhe la në fuqi verdiktin e fajësisë së z. Shala për torturë në lidhje me së paku trembëdhjetë persona të tjerë”, thuhet në njoftim.
Po kështu, në lidhje me vendimin e fajësisë së Shalës për ndalim arbitrar, Paneli i Apelit konstatoi se, lidhur me dy persona, Prokuroria nuk kishte paraqitur prova të ndalimit të tyre përmes dëshmitarëve që Mbrojtja mund t’i ballafaqonte në gjyq.
Paneli i Apelit rrjedhimisht prapësoi verdiktin e fajësisë për ndalim arbitrar në lidhje me këta dy persona, dhe la në fuqi verdiktin e fajësisë së Shalës për ndalim arbitrar në lidhje me së paku gjashtëmbëdhjetë persona të tjerë.
Paneli gjithashtu miratoi, pjesërisht, pikën 12 të apelit të Shala, dhe prapësoi disa konstatime, përfshirë se të ndaluarve iu hoq liria pa bazë ligjore, por konstatoi se prapësimi i këtyre konstatimeve nuk kishte asnjë ndikim në verdiktin e fajësisë së Shalës për ndalim arbitrar.
