Presidentja e Kosovës, Vjosa Osmani, ka pritur një delegacion të përfaqësuesve rom, të kryesuar nga deputeti i Kuvendit të Kosovës, Erxhan Galushi, në Ditën Ndërkombëtare të Romëve, raporton teve1.info
Përmes një postimi të Presidencës në Facebook, thuhet se Osmani i ka falënderuar romët për kontributin e tyre duke përbërë një shtyllë të fuqishme të shoqërisë kosovare.
“Presidentja Vjosa Osmani për nder të Ditës Ndërkombëtare të Romëve, ka pritur në zyrën e saj një delegacion të përbërë nga përfaqësues të komunitetit rom, të kryesuar nga deputeti Erxhan Galushi.
Presidentja Osmani shprehu urime të përzemërta për Ditën Ndërkombëtare të Romëve, duke i falënderuar pjesëtarët e komunitetit rom në Kosovë për kontributin e tyre, e të cilët përbëjnë shtyllë të fuqishme të shoqërisë sonë.
Bahtalo 8 Aprili – Lumiako Dive e Romengo
Urime 8 Prillin – Ditën Botërore të Romëve”, thuhet në njoftimin e Presidencës.
