Presidentja e Kosovës, Vjosa Osmani, ka uruar Pashkët për besimtarët ortodoksë.
Osmani ka uruar që paqja dhe respekti të mbretërojë në secilën familje, duke thënë se Pashkët janë festë e ringjalljes, ringritjes, shpresës dhe mundësi për të ndarë gëzimin.
“Festat si kjo janë manifestim i vlerave të përbashkëta njerëzore, humanizmit e solidaritetit, të cilat ngjallin shpresë për të ardhmen!”, thuhet në njoftimin e Presidencës.
Tutje, presidentja është shprehur se me këtë festë të dëshmohet shpirti solidar dhe të vazhdohet kremtimi i festave në frymën e mirëkuptimit, tolerancës dhe respektit. /teve1.info/
