Presidenti amerikan, Donald Trump, ka bërë punë të mirë në mbrojtjen e situatës nga tentimi i Serbisë për përshkallëzim në muajin maj.
Kështu deklaroi, presidentja e vendit, Vjosa Osmani në një intervistë dhënë në Fox News gjatë qëndrimit të saj në New York.
Osmani ka përmendur sulmin terrorist në Banjsë, si dhe përpjekjet për përshkallëzim tensionesh në maj.
Ajo deklaroi se këto tentime për përshkallëzim të situatës janë menaxhuar me sukses falë bashkëpunimit edhe me aleatët e NATO-s.
“Kemi pasur një numër të shpërthimeve të papritura në vitet e fundit, si p.sh në shtator të 2023-tës kemi pasur një akt agresioni nga Serbia kundër Republikës së Kosovës. Kemi arritur ta menaxhojmë atë me anë të mbështetjes së aleatëve të NATO-s, por ka kërcënime të vazhdueshme që vijnë nga Serbia. Majin e kaluar ka pasur një tjetër përpjekje për shpërthim (nëse mund ta quaj kështu) dhe kjo Administratë ka bërë një punë të mrekullueshme për mbrojtje nga eksalimi. Presidenti gjithmonë ka qenë një lider që ka folur qartë, me forcë dhe bindje. Presidenti Trump ka qenë shumë i suksesshëm në mbrojtjen e eskalimet dhe nga e keqja”, ka deklaruar Osmani.
Osmani ka deklaruar se Serbia dëshiron të mbahet pas së kaluarës dhe kohë pas kohe tenton të shkaktojë probleme në rajon.
