Presidentja e Kosovës, Vjosa Osmani, të martën në Riad ka takuar presidentin e Mauritanisë, Mohamed Ould Cheikh El Ghazouani.
Sipas Osmanit, gjatë takimit është biseduar për forcimin e marrëdhënieve miqësore ndërmjet Kosovës dhe Mauritanisë.
Po ashtu, në takim është diskutuar edhe për gatishmërinë e të dyja palëve për të bashkëpunuar në nivel ndërkombëtar, si dhe për angazhimin e ndërsjellë në thellimin e bashkëpunimit bilateral.
“Një takim shumë i mirë në Riad me Presidentin e Mauritanisë, Mohamed Ould Cheikh El Ghazouani. Biseduam për forcimin e marrëdhënieve miqësore ndërmjet Kosovës dhe Mauritanisë, gatishmërinë për të punuar së bashku në nivel ndërkombëtar, si dhe për angazhimin tonë të ndërsjellë në thellimin e bashkëpunimit bilateral”, ka shkruar ajo në Facebook.
