Presidentja e Kosovës, Vjosa Osmani gjatë vizitës së saj në Japoni, ka takuar kryetarin e Parlamentit Dhomës së Përfaqësuesve të Japonisë, Fukushiro Nukaga.
E para e vendit ka thënë se gjatë këtij takimi ka riafirmuar përkushtimin e palëkundur për thellimin e partneritetit ndërmjet Kosovës dhe Japonisë.
“Gjatë takimit me Kryetarin e Parlamentit të Japonisë, z. Fukushiro Nukaga, riafirmuam përkushtimin tonë të palëkundur për thellimin e partneritetit ndërmjet Kosovës dhe Japonisë, në dobi të qytetarëve tanë dhe në shërbim të vlerave të përbashkëta. Mbështetja e Japonisë për popullin e Kosovës ka qenë thelbësore gjatë të gjitha fazave të shtetndërtimit, dhe synojmë që këtë partneritet ta ngremë në nivele edhe më të larta”, ka shkruar Presidenca./teve1.info/
