Profesori universitar, Sadri Ramabaja ka thënë se kandidimi i Vjosa Osmanit për presidente mund të rrezikojë zgjedhjet e reja.
Ai ka thënë se PDK e ka bërë të qartë se nuk do të qëndronte në sallë, ndërsa LDK nuk është e unifikuar në qëndrim.
“Nuk do të duhej të shkohet në zgjedhje, rikandidimi i saj mund ta rrezikoj vendin të shkohet në zgjedhje të jashtëzakonshme. E para, PDK ka deklaruar se nuk do të qëndronte as në sallë, LDK nuk është e plotë me qëndrimin për votimin e Vjosa Osmanit”, ka thënë Ramabaja në emisionin “InfoNata” në Tëvë1.
Ai ka thënë se beson që do të arrihet një marrëveshje për një kandidat konsensual.
“Do të ketë marrëveshje për një emër konsesnual. Ka mundësi, ka figura nga jeta akademike. Po pati vullnet mund të gjendet një emër për 24-orë”, ka thënë Ramabaja.
Ai nuk e ka përjashtuar mundësinë që LVV ta propozojë Vjosa Osmanin nëse nuk arrihet në një marrëveshje.
Rambaja ka thënë se rizgjedhja e Osmanit në rrethanat aktuale gjeopolitike do të ishte në të mirë të Kosovës.
“Rizgjedhja e saj do ta ndihmonte Kosovës, interesat e shtetit kërkojnë që të ecët tutje, dhe në rast se nuk bien dakord për një figurë konsensuale, atëherë duhet ecet tutje. Që do të thotë të sillet opozita në provim me kandidaturën e Vjosës dhe nëse nuk qëndrojnë në sallë, u mor vesh rrëshqitja e opozitës dhe do të ishte një kosto e lartë për ta në zgjedhje”, tha ai.
