Anëtari i Partisë Demokratike të Kosovës, Shkuri Buja i cili ka propozuar Jakup Krasniqin për president të Kosovës, ka thënë se figura e tij do të ishte e pranueshme për të gjithë spektrin politik.
Ai duke kujtuar veprimtarinë e Krasniqit ka thënë se Krasniqi e meriton të jetë president i vendit.
Ai në emisionin “InfoNata” ka thënë Krasniqi do të ishte i pranuar edhe për LVV-në dhe presidenten aktuale Vjosa Osmanin e cila ka shprehur synimet edhe për një mandat.
“Një personalitet që ka mundësi t’i bashkojë të gjitha forcat në parlament. Jakup Krasniqi mund t’i shkojë përshtati edhe LVV-së, sepse ai nuk ka qenë i atakuar nga Vetëvendosje, është një njeri që nuk ka votuar Gjykatën Speciale. Është një njeri që mund të jetë personalitet që i unifikon të gjithë. LDK mund të jetë një nga subjektet që mund ta përkrahë, PDK dhe AAK nuk kanë arsye mos me përkrah dhe vet Vjosa Osmani që është presidente aktuale nuk do të ishte kundër”, ka thënë Buja.
I pyetur për faktin se Krasniqi është në Hagë në pritje të aktgjykimit, Buja ka thënë se Kushtetua ja lejon presidentin që për një periudhë prej gjatë muaj kompetencat t’i delegoj të Kryetari i Kuvendit.
Kandidaturën për president e ka shpallur edhe Arsim Bajrami, ish- ministër i PDK-së. Ndërsa, Nisma Socialdemokrate e ka propozuar Fatmir Limajn.
