Presidentja e Kosovës, Vjosa Osmani, do të presë sot liderët e partive politike në takime konsultative për caktimin e datës së zgjedhjeve të parakohshme, pasi mandatarit të dytë të Lëvizjes Vetëvendosje nuk arriti të sigurojë shumicën për formimin e Qeverisë së re.
Zëdhënësi i Lidhjes Demokratike të Kosovës, Besian Mustafa, ka konfirmuar se takimi do të nisë në ora 10:30 dhe se LDK do të marrë pjesë. Pjesëmarrjen e kanë konfirmuar edhe Lëvizja Vetëvendosje, Partia Demokratike e Kosovës dhe NISMA.
Konsultimet vijnë një ditë pasi kandidati i LVV-së, Glauk Konjufca, dështoi të zgjidhet kryeministër. Pro propozimit të tij votuan vetëm 56 deputetë, 4 abstenuan dhe 53 votuan kundër.
Pas këtyre zhvillimeve, vendi pritet të shkojë në zgjedhje të parakohshme. /teve1.info/
