Presidentja e Kosovës, Vjosa Osmani ka shprehur ngushëllime për popullin e Portugalisë pas aksidentit me tramvaj që mori jetën e të paktën 15 personave në Lisbonë.
Osmani tha se Kosova qëndron me miqtë portugezë, duke u uruar të plagosurve shërim të shpejtë dhe duke shprehur ngushëllimet e saj për familjarët e viktimave.
“Zemrat dhe solidariteti ynë janë me presidentin Marcelo Rebelo de Sousa, kryeministër Luis Montenegro, dhe popullin e Portugalisë, pas aksidentit tragjik me tren Gloria në Lisbonë.Në emër të popullit të Republikës së Kosovës, u shpreh ngushëllimet e mia më të thella familjeve të viktimave dhe u uroj shërim të shpejtë të plagosurve. Ne qëndrojmë me miqtë tanë portugezë”, ka shkruar ajo në “X”.
Qeveria e Portugalisë ka shpallur një ditë zie kombëtare.
