Presidentja e Kosovës, Vjosa Osmani, është deklaruar pas takimit me kryetarët e partive politike parlamentare.
Në këtë takim nuk ishte i pranishëm kryetari i VV-së, Albin Kurti njëherit edhe kryeministër.
Për këtë, Osmani ka thënë se nuk i di arsyet e mungesës së Kurtit, në takimin e thirrur për të diskutuar datën e zgjedhjeve të rregullta.
“Të gjitha partitë kanë qenë të ftuara në nivel të kryetarëve. Nënkryetari i VV-së ka shprehur gatishmëri që të vijë në takim, mirëpo meqë ka qenë i informuar se ftesa ka qenë për kryetar këtë parim e kemi mbajtur për të gjithë. Ai me mirëkuptim e ka zbatuar. Sot, nuk ka qenë prezent kryetari i VV-së, Albin Kruti ne nuk i dimë arsyet, besoj mund ta pyesni drejtpërdrejt atë, po supozoj se është në zyrë. Kështu që mund të shkoni dhe ta pyesni”, ka thënë Osmani.
Ndërkohë, sa i përket caktimit të datës së zgjedhjeve, Osmani tha se datat e mundshme mund të jenë 26 janari, ose datat 2, 9 ose 16 shkurt.
“Sipas ligjit janë katër data të mundshme për zgjedhje, e para është 26 janari, pastaj 2 shkurti, 9 ose i 16, meqenëse ligji ynë parasheh që vetëm të dielave të mbahen zgjedhjet. Prandaj, edhe diskutimi ynë ishte vetë në kontekst të këtyre katër datave. Nuk kishte ndonjë insistim të tepërt, kishte preferenca, sepse nuk është dallimi i madh po flasim për pak javë”.
“Jemi brenda afatit të konsultimeve… vendimi ende nuk është marrë për datën sepse duhet t’i analizojmë ende kemi diskutime”, ajo./teve1.info/
