Presidentja e Republikës së Kosovës, Vjosa Osmani, ka shprehur mirënjohje për presidentin e FIFA-s, Gianni Infantino, duke e cilësuar atë si një mik të vërtetë të Kosovës dhe të futbollit.
Në një postim në rrjetin social Facebook, presidentja Osmani ka theksuar se Kosova do ta kujtojë gjithmonë Infantinon për mbështetjen që i ka dhënë vendit në periudha vendimtare.
“President Gianni Infantino, Kosova do ta kujtojë gjithmonë që qëndruat përkrah nesh në kohë vendimtare. Ju besuat në potencialin tonë dhe në fuqinë bashkuese të sportit, në një kohë kur vetë besimi kërkonte guxim!”, ka shkruar Osmani.
Ajo e ka përmbyllur reagimin e saj me fjalë mirënjohjeje, duke e cilësuar Infantinon si mik të sinqertë të vendit.
“Një mik i vërtetë i futbollit.
Një mik i vërtetë i Kosovës”, ka shtuar presidentja Osmani.
Ky reagim i presidentes vjen pas zhvillimeve të fundit që lidhen me përfshirjen dhe mbështetjen e FIFA-s ndaj futbollit kosovar në arenën ndërkombëtare.
