Presidentja e Kosovës, Vjosa Osmani, ka reaguar pas sulmit në Gjermani, ku një makinë përplasi një turmë njerëzish, derisa raportohet se ka persona të vdekur e dhjetëra të lënduar.
Osmani deklaroi se populli i Kosovës qëndron përkrah popullit të Gjermanisë.
“Sulmi shkatërrues në Magdeburg është një kujtesë e ashpër e kërcënimeve me të cilat përballemi dhe forcës që duhet të tregojmë në kohë tragjedie. Zemrat tona dhembin për viktimat, familjet e tyre dhe të gjithë ata që janë prekur.
Përballë tragjedive të tilla, ne duhet të qëndrojmë të bashkuar dhe të riafirmojmë humanizmin tonë të përbashkët. Populli i Kosovës qëndron përkrah popullit të Gjermanisë!”, ka shkruar Osmani në X.
