Presidentja e Kosovës, Vjosa Osmani ka deklaruar se Kosova është e vendosur të bëhet pjesë e shteteve euroatlantike dhe se aleanca me ShBA-në, BE dhe partneritetin me aleatët e NATO-s përbëjnë shtylla të qëndrueshmërisë.
Ajo ka theksuar para studentëve dhe profesorëve të Universitetit Eötvös Loránd marrëdhëniet mes Kosovës dhe Hungarisë që sipas saj reflektojnë një vizion të përbashkët për një të ardhme paqësore dhe të bashkuar.
“Në fjalimin e saj, Presidentja Osmani theksoi përkushtimin e palëkundur të Kosovës ndaj integrimit euroatlantik. Ajo theksoi se Kosova është e vendosur të bëhet pjesë e plotë e familjes së shteteve euroatlantike dhe se aleanca me SHBA-në, Bashkimin Evropian dhe partneriteti me aleatët e NATO-s përbëjnë shtylla të qëndrueshmërisë rajonale dhe kontribuojnë drejtpërdrejt në sigurinë e hapësirës euroatlantike
Në shekullin XV, shqiptarët dhe hungarezët qëndruan krah për krah për mbrojtjen e qytetërimit evropian. Ishte një aleancë mbi vlera shpirtërore, e ndërtuar mbi vlera të përbashkëta si liria, identiteti dhe dinjiteti. Sot, në një Evropë që po ndryshon, ky trashëgim frymëzues na udhëzon për të ndërtuar partneritete që reflektojnë vizionin e përbashkët për një të ardhme paqësore dhe të bashkuar”, ka thënë ajo./teve1.info/
