Presidentja e Kosovës, Vjosa Osmani, në takimin e sotëm me presidentin e Kroacisë, Zoran Milanovic, në kuadër të Samitit të Bërdo-Brione që është mbajtur në Shkup të Maqedonisë së Veriut kanë folur për avancimin në rrugën euro-atlantike.
Në këtë takim është diskutuar edhe për rritjen e bashkëpunimit ndërmjet Kosovës dhe Kroacisë.
Presidentja është shprehur se Kroacia është aleate kyçe dhe mbështetëse e fuqishme e Kosovës.
“Kroacia është aleate kyçe dhe mbështetëse e fuqishme e Kosovës. Marrëdhëniet ndërmjet dy shteteve janë ndërtuar mbi lidhje miqësie që ekzistojnë historikisht. Me presidentin Milanović diskutuam për rritjen e bashkëpunimit ndërmjet vendeve tona si dhe përpjekjet tona për avancim në rrugën euro-atlantike”, ka shkruar Osmani në Facebook./teve1.info/
Takimi i Brdo-Brijuni është ngjarje vjetore multilaterale në të cilën takohen presidentët e gjashtë shteteve të Ballkanit Perëndimor si dhe të Sllovenisë dhe Kroacisë, e ku fokusi kryesor është në procesin e zgjerimit të Bashkimit Evropian dhe anëtarësimin e rajonit në BE.
