Kandidatja për presidente Vjosa Osmani dhe bartësja e listës së Lidhjes Demokratike të Kosovës, ka deklaruar se në tubimin hapës të fushatës zgjedhore është dëgjuar “zëri i një Republike që nuk përkulet”.
Duke falënderuar qytetarët për pjesëmarrjen në tubimin e mbajtur mbrëmë në Sallën “1 Tetori” në Prishtinë, Osmani ka shtuar se në atë tubim u dëgjua edhe zëri i një Republike që beson te bashkimi, demokracia dhe e ardhmja.
“Mbrëmë u dëgjua zëri i një Republike që nuk përkulet. Një Republikë që beson te bashkimi, te demokracia dhe te e ardhmja. Faleminderit të gjithëve”, ka shkruar ajo./teve1.info/
