Presidentja e Kosovës, Vjosa Osmani pas nënshkrimit të marrëveshjes në vlerë prej 34.72 milionë euro me ushtruesen e detyrës së drejtoreshës së USAID-it, Kerry Monaghan Hogleg, tha se Kosova si rezultat i kësaj marrëveshje do të ketë në dispozicion gati 35 milionë dollarë projekte të cilat sipas saj, do të kontribuojnë në përmirësimin e jetës së qytetarëve të vendit.
Osmani njëherit theksoi se kjo marrëveshje me Shtetet e Bashkuara të Amerikës është dëshmi e mbështetjes së vazhdueshme të Qeverisë dhe popullit amerikan ndaj Kosovës.
“Do të kontribuojë drejpërdrejtë në plotësimin e objektivave zhvillimore të vendit tonë. Sot së bashku me SHBA-të nënshkruam marrëveshjen e grantit për zhvillim si rezultat i saj do ti kemi në dispozicion gati 35 milionë dollarë, për projekte të cilat kontribojnë në përmirësimin e qytetarëve tanë pa dallim. Kjo marrëveshje është dëshmi e mbështetjes së vazhdueshme të Qeverisë dhe popullit amerikan ndaj Republikës së Kosovës dhe popullit të saj”, tha Osmani.
Teksa ka shprehur mirënjohje të thellë për siç tha ajo, vendosmërinë e palëkundur të SHBA-së, që të jenë krah Kosovës në përpjekjet kah zhvillimi dhe nevojat e qytetarëve.
“Në përpjekjet tona për të garantuar një të ardhme më të begatë për qytetarët tanë SHBA-të nuk kanë ofruar vetëm mbështetje por një partneritet të vërtetë, një partneritet të ndërtuar në besim të ndërsjellë dhe të fuqizuar nga vlerat e përbashkëta. Andaj në emër të të gjithë qytetarëve të Kosovës. iu shprehë mirënjohjen tonë të thellë për vendosmërinë e palëkundur që të jeni krah nesh në përpjekjet tona për të ndërtuar një Kosovë të orientuar kah zhvillimi dhe nevojat e qytetarëve tanë”, shtoi Osmani.
Kurse i pranishëm gjatë nënshkrimit ishte edhe Ambasadori amerikan në Kosovë, Jeffrey Hovenier./teve1.info/.
