Presidentja e Kosovës, Vjosa Osmani, në 15-vjetorin e miratimit të Kushtetutës së Kosovës ka thënë se mbetet detyrë dhe prioritet që më punë e përkushtim të respektohen dhe zbatohen vlerat kushtetuese.
Osmani ka thënë se Kushtetuta e Kosovës është frymëzim për liritë dhe të drejtat qytetare, për barazi para ligjit dhe vlerat tjera, ku sipas saj përmes tyre Kushtetuta mbahet brenda familjes së madhe evropiane.
“Është detyrë e përbashkët, që nëpërmjet ruajtjes së sovranitetit, integritetit territorial, respektimit të vullnetit të popullit, garantimit të lirive qytetare pa dallim, t’i mbrojmë dhe avancojmë këto vlera, duke u bazuar gjithnjë në frymën dhe shkronjën e Kushtetutës. Mbetet detyrë dhe prioritet i yni i përbashkët që me punë e përkushtim, t’i respektojmë dhe zbatojmë këto vlera kushtetuese, të cilat ndër të tjera janë edhe shpërfaqje e identitetit tonë”, ka thënë presidentja. /teve1.info/
