Presidentja e Kosovës, Vjosa Osmani, ka reaguar për mospajtimet mes Shtetet e Bashkuara të Amerikës dhe Qeverisë së Kosovës, ku thotë se mund të jenë për disa qasje, por kurrë për qëllimin final. Ajo thotë se të dy anët, si SHBA ashtu edhe Qeveria dëshiron një Kosovë sovrave, të pavarur e shumetnike.
Por, Osmani thotë se koordinimi me aleatët është kyç, dhe moskoordinimi me ta mund të ketë një sukses momental, por pastaj është më i brishtë si sukses.
“Tani mund të dëgjojmë deklarata mospajtimi midis zyrtarëve në ShBA dhe Qeverinë e Kosovës mbi disa prej qasjeve, por asnjëherë për sa i përket qëllimit përfundimtar dhe vlerave fondamentale që i kemi të përbashkëta. Nuk ka asnjë mospajtimi mbi faktin që dy anët duan një Kosovë që është sovrane, e pavarur, në kufijtë aktual të suksesshëm, prosperuese, shumetnikë, të ndërtuara mbi Kushtetutën e saj. Por ndonjëherë qasja drejt ruajtjes e mbajtjes së një Kosove demokratike, të fortë e të drejtë, mund të dallojnë. Mund të ketë diferenca në këtë drejtim, por asnjëherë nuk ka pasur e as sot nuk ka mbi atë se çfarë Kosove duam, cilat janë vlerat”, tha Osmani gjatë pjesëmarrjes si folëse në forumin global të sigurisë, “GLOBSEC 2024” në Pragë të Çekisë, tha ajo.
Ajo tha se marrëdhënia midis ShBA-ve dhe Kosovës është që ka ndërtuar ndër vite.
“Marrëdhënia midis SHBA dhe Kosovës është diçka që kemi ndërtuar ndër vite. Na janë gjetur përkrah në periudhën më të errët të vendit, për të shpëtuar popullin e Kosovës nga shfarosja që ishte planifikuar. Ky ka qenë themeli i asaj çfarë kemi ndërtuar për 25 vjet me radhë, por që shkon edhe më tej sepse SHBA-të i kemi parë si lider të botës demokratike dhe liderët kanë qenë shumë të zëshëm në kuptimin e shkeljeve të të drejtave të njeriut në Kosovë”, deklaroi Osmani.
Kujtojmë se dje pas një aksioni që zhvilloi Policia e Kosovës në veri të vendit ku mbylli pesë objekte të komunave ilegale, aleatët ndërkombëtarë, kritikuan ashpër Qeverinë e Kosovës për veprime të njëanshme./teve1.info/
