Ish-presidentja e Kosovës, Vjosa Osmani ka përkujtuar akademikun, Fehmi Aganin në 27-vjetorin e vrasjes së tij nga regjimi serb.
Osmani ka thënë se Fehmi Agani ka qenë personalitet i shquar i viteve të 90-ta.
Sipas ish-presidentes, Agani kujtohet si njëra ndër mendjet më të ndritura të mendimit shqiptar.
“Personalitetet i shquar i fundviteve ‘90, i konsideruar edhe si truri i lëvizjes sonë për pavarësi, prof. Agani kujtohet sot e përmot si njëra ndër mendjet më të ndritura të mendimit shqiptar, i cili i ndërthuri në mënyrë të rrallë urtësinë intelektuale dhe përkushtimin e palëkundur atdhetar. Si bashkëpunëtori më i afërt i prijësit tonë vizionar, Presidentit historik dr. Ibrahim Rugova, ai dëshmoi thellësi të admirueshne duke i dhënë krah vizionit për të ardhmen e kombit. Butësia e sjelljes dhe fisnikëria njerëzore e bënin të veçantë, duke dëshmuar se forca e vërtetë qëndron në urtësi, durim dhe dinjitet.”, ka shkruar Osmani./teve1.info/
