Ish-presidentja e Kosovës, Vjosa Osmani, ka deklaruar se vendi ka më shumë se kurrë nevojë për zërin e arsyes dhe të përgjegjësisë.
Ajo theksoi se nuk duhet lejuar që dhuna, linçimet dhe gjuha e urrejtjes të zbehin shpresën e qytetarëve apo ta shtyjnë Kosovën drejt përçarjeve të rrezikshme.
Deklaratat Osmani i bëri gjatë një tubimi me qytetarë në Dukagjin të Pejës, ku u shpreh se uniteti dhe qetësia shoqërore janë thelbësore për të ardhmen e vendit.
“Nga Peja, zemra e Dukagjinit, sot më shumë se kurrë, Kosovës i duhet zëri i arsyes dhe i përgjegjësisë. Nuk mund ta lejojmë që dhuna, linçimet dhe gjuha helmuese e urrejtjes ta zbehin shpresën e qytetarëve tanë e ta shtyjnë vendin drejt përçarjeve të rrezikshme. Kosova mbi të gjitha”, ka shkruar ajo në Facebook./teve1.info/
