Presidentja e Kosovës, Vjosa Osmani, të martën ka zhvilluar një takim me Princin e Kurorës së Mbretërisë Hashemite të Jordanisë, Lartmadhërinë e Tij, Hussein bin Abdullah al-Hashimi, në Riad.
Gjatë takimit, Osmani bëri të ditur se është konfirmuar gatishmëria për thellimin e partneritetit, si dhe janë diskutuar mundësitë për të hapur kapituj të rinj bashkëpunimi në fusha me interes të përbashkët, përfshirë mbrojtjen, tregtinë dhe teknologjinë e informacionit (ICT).
“Kosova dhe Jordania gëzojnë marrëdhënie të shkëlqyera bilaterale, të ndërtuara mbi miqësi, mirëbesim dhe bashkëpunim të ndërsjellë”, ka shkruar ajo në Facebook.
