Osmani përmes një postimi në Facebook, tha se Aderholt shërben si bashkudhëheqës i grupit për çështje shqiptare në kuadër të Kogresit amerikan.
“Kongresistin Robert Aderholt, i cili shërben edhe si bashkudhëheqës i grupit për çështje shqiptare në kuadër të Kongresit amerikan, e njoftova për punën e institucioneve të Kosovës dhe për reformat që po ndërmerren si dhe për situatën e sigurisë në Kosovë dhe rajon”, ka shkruar ajo.
Osmani ka thënë se me Aderholt ka folur për rëndësinë e NATO-s në Kosovë.
“Potencova se roli i NATO-s në Kosovë është tejet i rëndësishëm në ruajtjen e paqes dhe sigurisë, si dhe diskutuam për rëndësinë e bashkëpunimit mes Kosovës e SHBA-ve në fushën e mbrojtjes dhe të ekonomisë si dhe fusha të tjera të interesit të dyanshëm”, tha ajo. /teve1.info/
