Presidentja Osmani ka kujtuar komandant Ismet Jasharin– Kumanova, në 27-vjetorin e rënies
Ajo ka thënë se Jashari ishte një ndër figurat më emblematike të Ushtrisë Çlirimtare dhe frymëzim për brezat.
“Në 27-vjetorin e rënies heroike, kujtojmë me nderim dhe krenari, komandant Ismet Jashari– Kumanova, njërin ndër figurat më emblematike të Ushtrisë Çlirimtare të Kosovës. Ai ra në altarin e lirisë si komandant i pathyeshëm, duke u bërë frymëzim për brezat dhe simbol i sakrificës për liri. Në këtë ditë, nderojmë gjithashtu edhe të gjithë dëshmorët e Brigadës 121 të Zonës Operative të Pashtrikut, të cilët me gjakun e tyre shkruan faqet më të lavdishme të historisë sonë. Lavdi e përjetshme”, ka thënë Osmani
