Presidentja e Republikës së Kosovës, Vjosa Osmani, ka lëshuar një dekret të ri përmes të cilit ka harmonizuar listën e organizatave të huaja terroriste me urdhrat ekzekutivë të ish-presidentit të Shteteve të Bashkuara të Amerikës, Donald Trump.
Dekreti, i publikuar nga Osmani në rrjetin social “X” thekson se ky veprim është ndërmarrë me qëllim të “linjëzimit të plotë të politikës së jashtme dhe të sigurisë së Republikës së Kosovës me atë të Shteteve të Bashkuara të Amerikës”.
Në dokument thuhet se të gjitha institucionet përkatëse të sigurisë dhe agjencitë tjera shtetërore obligohen të marrin hapat e nevojshëm për zbatimin e këtij dekreti.
Dekreti ka hyrë në fuqi menjëherë, në ditën e nënshkrimit të tij./teve1.info/
