Presidenca e Kosovës ka njoftuar se presidentja, Vjosa Osmani ka udhëtuar për vizitë shtetërore në Brunei Darusalam.
Sipas Presidencës, Osmani është nisur atje me ftesë të sulltanit të Bruneit, Haxhi Hassanal Bolkiah, duke shënuar siç thuhet vizitën e parë ndonjëherë të kreut të shtetit të Kosovës në këtë shtet të Azisë Juglindore’.
Në njoftim bëhet e ditur se gjatë vizitës së saj atje ajo të pritet me nderime të larta shtetërore dhe do të zhvillojë takime me Sulltan Bolkiah, në rezidencën zyrtare Istana Nurul Iman.
“Gjatë kësaj vizite shtetërore, Madhëria e tij Sulltani i Bruneit dhe bashkëshortja e tij, Madhëria e saj Raja Isteri Pengiran Anak Hajah Saleha, do të shtrojnë banket shtetëror në nder të vizitës së Presidentes dhe Zotërisë së Parë. “, theksohet në njoftim.
Osmani po ashtu do të takohet edhe me anëtarë të tjerë të familjes mbretërore dhe të kabinetit qeveritar, si dhe do të vizitojë edhe disa nga monumentet më të njohura kulturore të këtij shteti.
“Gjatë kësaj vizite, në Universitetin e Brunei Darussalam, Presidentja Osmani do të flasë para korit diplomatik, studentëve dhe stafit akademik”, bëhet e ditur në njoftim./teve1.info/
