Presidentja e Kosovës, Vjosa Osmani do të marrë pjesë në ceremoninë e varrimit të Papa Françeskut.
Këshilltari për media i presidentes, Bekim Kupina, ka thënë për tëvë1.info se Osmani do ta udhëheqë delegacionin e Kosovës në ceremoninë e varrimit të Papës.
“Tashmë e kemi konfirmuar te autoritetet shtetërore në Vatikan se Presidentja Osmani, si Kreu i Shtetit, do ta udhëheqë delegacionin e Kosovës në ceremoninë e varrimit të Papa Françeskut”, ka thënë Kupina.
Papa Françesku ka vdekur të hënën e 21 prillit në moshën 88-vjeçare./teve1.info/
