Presidentja Vjosa Osmani ka dënuar sulmin ndaj kryetarit të Pejës, Gazmend Muhaxherit.
Ajo tha se ky akt është sulm edhe ndaj vlerave të paqes, demokracisë dhe shtetit ligjor.
“Ky është sulm jo vetëm ndaj institucionit të kryetarit, por edhe ndaj vlerave të paqes, demokracisë dhe shtetit ligjor”, u shpreh Osmani.
Ajo tutje tha se përgjegjësit për këtë akt duhet të përgjigjen para drejtësisë.
Ndërkohë, nesër do të mbahet seanca për caktimin e masës së paraburgimit ndaj të dy të dyshuarve për sulmin fizik ndaj tij.
Zëdhënësi i Prokurorisë Themelore të Pejës, Shkodran Nikçi ka bërë të ditur se tashmë e kanë bërë kërkesën për caktimin e masës së paraburgimit.
Ai për teve1.info ka shtuar se është lënduar shoqëruesi i Muhaxherit. Kryetari i Pejës ka thënë se është në gjendje të mirë shëndetësore./teve1.info/
