Osmani ka thënë se familjes së Halil Hasanit iu rrëmbyen katër djem gjatë luftës së fundit në Kosovë.
“Në Vinarc të Mitrovicës, u mirëpritëm për iftar në familjen e Halil Hasanit, liria e së cilës ende nuk ka marrë kuptim nga ankthi për fatin e katër djemve të tyre të rrëmbyer dhunshëm gjatë luftës”, ka shkruar ajo në një postim në Facebook.
Ajo tha se dhimbja e tyre është edhe e jona, teksa thekson se angazhohen që si institucione të ofrojnë gjithë përkrahjen e nevojshme.
“Dhimbja e tyre është edhe e jona, ndaj sonte solidarizohemi dhe bashkëndjejmë me ta sikurse edhe me mijëra familje të tjera në Kosovë dhe angazhohemi që si institucione të ofrojmë gjithë përkrahjen e nevojshme”, ka thënë Osmani. /teve1.info/
