Ish-presidentja e Kosovës, Vjosa Osmani, ka bërë thirrje për unitet dhe bashkëpunim mes qytetarëve, duke theksuar se vendi forcohet vetëm kur ka bashkim dhe respekt të ndërsjellë.
Ajo ka shpërndarë një foto me numrin 113 me të cilin do të garojë LDK, ndërsa ka ftuar qytetarë të bashkohen rreth politikës që afron njerëzit, që ndërton dhe që lë trashëgimi për brezat që vijnë dhe të jenë kundër politikës që përçan, që nxit urrejtje e dhunë.
“Kosova fiton vetëm kur ecim bashkë, me respekt për njëri-tjetrin, me unitet dhe me besim tek njëri-tjetri. Sepse asnjë popull nuk dobësohet më shumë nga armiku sesa kur përçahet nga brenda. Prandaj, bashkohuni! Bashkohuni rreth politikës që afron njerëzit, që ndërton dhe që lë trashëgimi për brezat që vijnë. Bashkohuni kundër politikës që përçan, që nxit urrejtje e dhunë. Sepse asnjë flamur nuk valon më fort sesa një popull i bashkuar!”, ka deklaruar ajo./teve1.info/
